Arnar Már tryggði Blikum sigur

Finnur Orri Margeirsson var fyrirliði Blika í dag. mbl.is

Arnar Már Björgvinsson skoraði eina mark leiksins þegar Breiðablik vann Hauka í hádeginu í riðli 1 í A-deild Lengjubikarsins í knattspyrnu eftir að hafa komið inn á sem varamaður.

Hilmar Trausti Arnarsson, fyrirliði Hauka, klúðraði vítaspyrnu fyrir sína menn í fyrri hálfleik. Guðmundur Pétursson framherji Breiðabliks fékk að líta rauða spjaldið seint í leiknum fyrir að slá til Kristjáns Ómars Björnssonar.

Þetta var fyrsti leikurinn í riðlinum en síðar í dag mætast Fram og Selfoss í sama riðli.