Framarar áfram á sigurbraut

Kristinn Ingi Halldórsson í leik með Fram síðasta sumar. mbl.is/Eggert

Fram vann í dag 2:0-sigur á Selfossi í fyrsta leik liðanna í 1. riðli A-deildar Lengjubikars karla í knattspyrnu. Þeir bláklæddu halda því áfram þar sem frá var horfið í Reykjavíkurmótinu þar sem þeir urðu meistarar.

Kristinn Ingi Halldórsson kom Fram yfir á 13. mínútu eftir sendingu Stevens Lennons og Samuel Hewson innsiglaði sigurinn í blálokin með marki úr aukaspyrnu frá miðju vallarins er hann nýtti sér það að Jóhann Ólafur Sigurðsson, markvörður Selfyssinga, var kominn langt frá marki sínu.

Selfyssingar skoruðu mark í seinni hálfleik en það var dæmt af vegna rangstöðu.