Fylkir náði öðru sætinu (myndskeið)

Rúna Sif Stefánsdóttir skoraði fyrsta mark Fylkis. mbl.is/Eggert

Fylkir sigraði Fjölni, 3:1, í lokaleik Reykjavíkurmóts kvenna í knattspyrnu í kvöld en það var um leið hreinn úrslitaleikur um annað sætið í mótinu.

Valur fékk 12 stig, Fylkir 9, Fjölnir 6, KR 3 og Þróttur rak lestina með 3 stig.

Regína Einarsdóttir kom Fjölni yfir en Rúna Sif Stefánsdóttir, Heiða Dröfn Antonsdóttir og Rakel Jónsdóttir svöruðu fyrir Árbæinga og tryggðu þeim sigurinn.

Leikurinn var sýndur beint á SportTV og á heimasíðu stöðvarinnar má sjá mörkin úr leiknum.

Mörkin í Fylkir - Fjölnir.