Framarar halda áfram að safna liði fyrir átökin í Pepsi-deildinni á næstu leiktíð. Í kvöld gekk Safamýrarliðið frá samningi við Hauk Baldvinsson sem kemur til liðsins frá Breiðabliki.
Haukur er snöggur og lipur kantmaður sem lék 14 leiki með Blikunum í Pepsi-deildinni í sumar en hann var töluvert frá vegna meiðsla.
Haukur er annar leikmaðurinn sem Framarar fá til liðs við sig en á föstudaginn gekk Viktor Bjarki Arnarsson til liðs við félagið frá KR.