Írski knattspyrnumaðurinn David Elebert, sem lék með Fylkismönnum síðasta sumar, samdi í dag til eins árs við írska úrvalsdeildarfélagið Shamrock Rovers.
Elebert, sem er 26 ára gamall, var lykilmaður í vörn Árbæinga síðasta sumar en hann spilaði 19 af 22 leikjum þeirra í Pepsi-deildinni og skoraði eitt mark. Hann kom til Fylkis frá Hamilton í Skotlandi þar sem hann lék í fimm ár.