Íslandsmeistarar Þórs/KA í knattspyrnu kvenna hafa fengið til liðs við sig markvörð frá Ástralíu, Kaitlyn Savage, en hún kemur frá Perth Glory í heimalandi sínu.
Hún á að koma í staðinn fyrir Chantel Jones frá Bandaríkjunum sem gerði það gott í marki Akureyrarliðsins í fyrra og var þá valin besti leikmaður deildarinnar.
Savage er 22 ára gömul og hefur auk þess að spila með Perth Glory leikið með Florida International háskólanum í Bandaríkjunum.