Fylkir og norska liðið Haugesund hafa komist að samkomulagi að Fylkismenn fái Andrés Már Jóhannesson að láni til 15. júlí en Andrés gekk í raðir norska liðsins fyrir síðustu leiktíð.
Andrés hefur átt við meiðsli að stríða og hefur ekki jafnað sig af þeim svo hann mun ekki taka þátt í fyrstu leikjum Árbæjarliðsins í Pepsi-deildinni sem hefst um helgina.
Andrés Már er 25 ára gamall og var einn besti leikmaður Fylkismanna áður en hann samdi við Haugesund seinnipart sumarsins 2011.