Benis Krasniqi til Keflavíkur

Benis Krasniqi í leik með Haukum gegn Selfossi.
Benis Krasniqi í leik með Haukum gegn Selfossi. mbl.is/Ernir Eyjólfsson

Keflvíkingar hafa fengið liðstyrk í Pepsi-deildinni í fótbolta á lokadegi félagaskipta en Benis Krasniqi er genginn í raðir félagsins og kominn með leikheimild.

Krasniqi hefur spilað á Íslandi frá því 2009, fyrst með KS/Leiftri og Reyni Sandgerði, en hann hefur verið í herbúðum Hauka undanfarin tvö ár.

Hann gæti spilað fyrsta leikinn fyrir Keflavík á morgun þegar liðið sækir nýliða Víkings úr Ólafsvík heim í þriðju umferð Pepsi-deildarinnar.

mbl.is
Fleira áhugavert
Fleira áhugavert