FH setti met með sigrinum á Neman Grodno í gær, því nú hefur ekkert annað lið unnið jafn marga leiki í Evrópukeppni og FH-ingar. Sigurleikirnir eru orðnir 16 talsins og fór FH með sigrinum í gær fram úr Skagamönnum sem höfðu unnið 15 leiki í Evrópukeppni. KR-ingar koma svo næstir með 14 Evrópusigra.
Sigur FH í gær þýðir líka árlegan höfuðverk fyrir Birki Sveinsson og félaga í mótanefnd KSÍ, því nú er nokkuð ljóst að leikur FH og KR í 14. umferð Pepsi-deildarinnar verður ekki leikinn miðvikudaginn 6. ágúst, þar sem síðari leikur FH og Elfsborgar verður fimmtudaginn 7. ágúst.
Fjallað er betur um leik FH og Elfsborgar og Stjörnunnar og Motherwell í íþróttablaði Morgunblaðsins í dag.