Fylkismenn voru að fá góðan liðsstyrk fyrir átökin á næsta tímabili en þeir Jóhannes Karl Guðjónsson og Ingimundur Níels Óskarsson eru gengnir til liðs við Árbæjarliðið.
Jóhannes Karl skrifaði undir eins árs samning en hann lék með Fram á síðustu leiktíð. Ingimundur Níels gerði þriggja ára samning en hann hefur leikið með FH-ingum undanfarin tvö ár en var þar áður í herbúðum Fylkis frá 2008 til 2012.
Þá framlengdi Tómas Joð Þorsteinsson samning sinn við Fylkismenn um tvö ár.