Sigurður Ragnar Eyjólfsson, fyrrverandi landsliðsþjálfari kvenna og þjálfari karlaliðs ÍBV, gæti verið á förum til Ástralíu til að starfa sem tæknilegur ráðgjafi fyrir ástralska knattspyrnusambandið.
Þetta segist vefmiðillinn fótbolti.net hafa eftir heimildum. Sigurður Ragnar hefur áður staðfest að hafa átt í viðræðum við erlent knattspyrnusamband.
Fleiri kostir eru í boði fyrir Sigurð Ragnar en Rúnar Kristinsson, nýráðinn þjálfari Lilleström í Noregi, vill fá hann sem aðstoðarþjálfara sinn.