U23-landslið kvenna í knattspyrnu mun þann 14. janúar mæta A-landsliði Póllands í vináttulandsleik í Kórnum. Þjóðirnar mætast svo aftur í Póllandi árið 2016.
U23-landsliðið lék sinn fyrsta og eina leik til þessa árið 2012 þegar það gerði 2:2-jafntefli við Skotland ytra.
Skortur hefur verið á verkefnum fyrir leikmenn sem eru orðnir of gamlir fyrir U19-landsliðið en hafa ekki fest sig í sessi í A-landsliðinu. U21-landslið Íslands lék síðast sumarið 2006.