Eins og gefur að skilja var stemningin mikil hjá leikmönnum sem og stuðningsmönnum Leiknis eftir eldskírn liðsins í efstu deild í kvöld þar sem liðið vann öruggan sigur á Valsmönnum á Hlíðarenda, 3:0.
Í flestum ef ekki öllum spám fyrir mótið búast menn ekki við miklu af Breiðhyltingum, sem sýndu þó sannarlega hvað í þeim býr í kvöld.
Stuðningsmenn liðsins létu vel í sér heyra allan leikinn með söngvum og hrópum og hápunkturinn var að sjálfsögðu í leikslok eins og sjá má á meðfylgjandi myndskeiði sem blaðamaður mbl.is tók rétt eftir lokaflautið.
Sjá: Draumabyrjun Leiknis í efstu deild
Sjá: Eru spár ekki bara til að troða sokkum?