Miðjumaðurinn knái Andri Rafn Yeoman skrifaði um helgina undir nýjan samning til þriggja ára við knattspyrnudeild Breiðabliks.
Andri Rafn, sem er nýorðinn 23 ára gamall, á að baki 23 leiki með yngri landsliðum Íslands. Hann verður væntanlega í stóru hlutverki hjá Breiðabliki í ár en hann hefur leikið 175 leiki með meistaraflokki, þann fyrsta árið 2009.
Breiðablik leikur sinn fyrsta leik í Pepsi-deildinni í ár þegar liðið mætir Fylki í Árbæ á fimmtudagskvöld.