Þriðju umferð 1. deildar karla lauk í dag, en fylgst var með gangi mála í ÍSLENSKA BOLTANUM Í BEINNI hér á mbl.is.
Fjarðabyggð skellti Fram á Laugardalsvelli 1:0 þar sem Elvar Ingi Vignisson skoraði sigurmarkið á 65. mínútu á meðan Þróttur fór illa með HK í Kórnum og náði í 3:0 sigur þar.
Alexander Veigar Þórarinsson, Viktor Jónsson og Oddur Björnsson skoruðu mörk Þróttara, en liðið er með fullt hús stiga eftir fyrstu þrjár umferðirnar og með markatöluna 12:1.
BÍ/Bolungarvík tapaði fyrir vestan 1:3 gegn Þór þar sem Sveinn Elías Jónsson, Ármann Pétur Ævarsson og Sigurður Marinó Kristjánsson gerðu mörk gestanna en Joseph Thomas Sivack gerði eina mark Djúpmanna og fyrsta mark þeirra í 1. deildinni.
Grindavík vann þá Gróttu 2:0. Tomislav Misura gerði bæði mörk Grindvíkinga, en þetta voru fyrstu stig liðsins í sumar.
Víkingur Ólafsvík lagði Selfoss að velli 1:0. William Dominguez da Silva gerði sigurmarkið í byrjun síðari hálfleiks. Víkingur er í 3. sæti með 7 stig en Selfoss í 7. sæti með 3 stig.
KA sigraði Hauka á Akureyri 3:1. Björgvin Stefánsson kom gestunum yfir með öðru marki sínu í sumar áður en Ævar Ingi Jóhannesson jafnaði metin stuttu síðar. Archange Nkumu kom Haukum yfir í byrjun síðari hálfleiks áður en Juraj Grizelj gulltryggði sigurinn stuttu síðar.
KA er í því í 2. sæti með 7 stig, tveimur stigum á eftir Þrótturum. Haukar eru í 9. sæti með 3 stig.
Úrslit dagsins:
Fram 0:1 Fjarðabyggð
(Elvar Ingi Vignisson 65.)
Grindavík 2:0 Grótta
(Tomislav Misura 16. og 60.)
BÍ/Bolungarvík 1:3 Þór
(Joseph Thomas Sivack 76. - Sveinn Elías Jónsson 15., Ármann Pétur Ævarsson 64., Sigurður Marinó Kristjánsson 73.)
HK 0:3 Þróttur
(Alexander Veigar Þórarinsson 7., Viktor Jónsson 20., Oddur Björnsson 53.)
Víkingur Ó. 1:0 Selfoss
(William Dominguez da Silva 47.)
KA 3:1 Haukar
(Ævar Ingi Jóhannesson 20., Archange Nkumu 63., Juraj Grizelj 71. - Björgvin Stefánsson 6.)