Grindavík vann frækinn sigur á Þórsurum á Akureyri í kvöld í 1. deild karla í knattspyrnu. Lokatölur urðu 3:2 þar sem Þórsarar klúðruðu meðal annars vítaspyrnu úr nánast síðustu spyrnu leiksins.
Tomislav Misura skoraði tvö mörk fyrir Grindavík í fyrri hálfleik og Jósef Kristinn Jósefsson eitt áður en Ármann Pétur Ævarsson minnkaði muninn undir lok fyrri hálfleiksins, 1:3 í hálfleik.
Jónas Björgvin Sigurbergsson minnkaði svo muninn á 76. mínútu og á 88. mínútu fékk Ásgeir Þór Ingólfsson fyrirliði Grindvíkinga að líta rauða spjaldið.
Leikurinn virtist vera búinn þegar komið var fram á 5. mínútu uppbótartíma þegar rað Þórsararar fengu víti. Jóhann Helgi Hannesson fékk það erfiða verkefni að stíga á punktinn en brást bogalistin þar sem Maciej Majewski varði frábærlega frá honum spyrnuna, lokatölur 3:2.
Þór hefur 15 stig í 5. sæti deildarinnar Grindavík hefur 13 stig í 6. sætinu og hoppar upp um þrjú sæti.
90. Þór fær víti en Jóhann Helgi Hannesson klúðrar víti!
90. Nokkrar sekúndur eftir!
88. Ásgeir Þór Ingólfsson fær rautt spjald.
76. 2:3. Jónas Björgvin Sigurbergsson minnkar muninn með góðu skoti fyrir utan teig.
46. Síðari hálfleikur er hafinn!
45. Hálfleikur í markaveislu norðan heiða!
45. Misura sloppinn einn í gegn en skotið hans naumlega framhjá.
44. 1:3. Ármann Pétur Ævarsson. Kemur á ferðinni á fjær eftir hornspyrnu og rennir sér á boltann og skýtur honum í netið. Þvílík markaveisla! Mikilvægt mark fyrir Þórsara
41. 0:3. Ja hérna hér! Misura slapp einn í gegn og lék á Sandor Matus í marki Þórsara. Virtist vera búinn að mála sig út í horn en nær samt sem áður að koma knettinum framhjá varnarmönnum Þórsara á línunni.
38. 0:2. Jósef Kristinn Jósefsson keyrði upp kantinn, tók á rás inn á miðjuna, sendi stutta sendingu á Matthías Örn Hallgrímsson, fékk hann aftur og smellti boltanum svo laglega á nærstöngina.
28. 0:1. Grindavík kemst yfir. Tomislav Misura skorar eftir flotta sókn Grindvíkinga og frábæra sendingu frá Jósef Kristni Jósefssyni.
1. Leikurinn er hafinn!
0. Byrjunarliðin: