KA fjarlægist enn drauminn að fara upp

KA-menn eru að heltast úr lestinni í toppbaráttu 1. deildar karla í knattspyrnu eftir 2:1 tap gegn Haukum þegar liðin mættust í lokaleik 13. umferðarinnar á Ásvöllum í kvöld.

Eftir markalausan fyrri hálfleik voru það Andri Fannar Freysson og Björgvin Stefánsson sem komu Haukum yfir í þeim síðari. Elfar Árni Aðalsteinsson minnkaði muninn fyrir KA í uppbótartíma en það dugði ekki til og 2:1 sigur Hauka staðreynd.

Haukar komust með sigrinum upp í sjöunda sætið þar sem liðið hefur 20 stig. KA er með tveimur stigum meira í fimmta sætinu og er tíu stigum á eftir Víkingi Ólafsvík sem er í öðru sætinu.

Fylgst var með gangi mála í beinni lýsingu hér á mbl.is.

90. Leik lokið.

90. Mark! Staðan er 2:1. Á þriðju mínútu uppbótartíma minnkar Elfar Árni Aðalsteinsson muninn fyrir KA. Er von á dramatík?

80. Mark! Staðan er 2:0. Staðan orðin vænleg fyrir Hauka þar sem Björgvin Stefánsson skorar annað mark þeirra.

68. Mark! Staðan er 1:0. Haukar komast yfir og það er Andri Fannar Freysson sem skorar markið á 68. mínútu. Skömmu áður hafði mark verið dæmt af KA vegna rangstöðu. Það eru sveiflur í þessu á Ásvöllum!

46. Síðari hálfleikur er hafinn.

45. Hálfleikur. Enn markalaust að Ásvöllum.

1. Leikurinn er hafinn.

0. Byrjunarliðin eru klár og þau má sjá hér að neðan.

• Blogga um frétt