Haukar komust í kvöld upp í fjórða sæti 1. deildar karla í knattspyrnu eftir öruggan sigur á Selfossi, 3:0, þegar liðin mættust í Hafnarfirði í kvöld.
Björgvin Stefánsson skoraði tvívegis fyrir Hauka og Zlatko Krickic eitt, en staðan í hálfleik var 2:0. Björgvin var í vikunni valinn í U21 árs landslið Íslands í fyrsta sinn og hefur nú skorað sautján mörk fyrir Hauka í nítján leikjum í deildinni og er þar markahæstur.
Selfoss er enn í bullandi fallbaráttu, tveimur stigum fyrir ofan Gróttu sem er í næstneðsta sætinu. Fylgst var með gangi mála í beinni lýsingu hér á mbl.is.
90. Leik lokið.
87. Mark! Staðan er 3:0 fyrir Hauka. Að sjálfsögðu er það Björgvin Stefánsson sem skorar, sitt annað mark í leiknum.
46. Síðari hálfleikur er hafinn. Gunnar Borgþórsson gerir tvær breytingar á liði Selfyssinga í upphafi síðari hálfleiks og freistar þess að snúa leiknum en Selfoss þarf á stigum að halda í baráttunni fyrir áframhaldandi sæti í deildinni.
45. Staðan er 2:0 að loknum fyrri hálfleik.
43. Mark! Staðan er 2:0 fyrir Hauka. Hafnfirðingar bæta við öðru marki fyrir hlé á gömlu markamínútunni. Zlatko Krickic skoraði markið samkvæmt netmiðlinum Úrslit.net.
22. Mark! Staðan er 1:0. Haukar eru komnir yfir og hver annar en Björgvin Stefánsson skorar, hans sextánda mark í sumar og fagnar sæti sínu í U21 árs landsliðinu með stæl!
1. Leikurinn er hafinn.
0. Byrjunarliðin eru klár og þau má sjá hér að neðan.
Haukar | Selfoss | ||||||
BYRJUNARLIÐ | |||||||
---|---|---|---|---|---|---|---|
14 | Terrance William Dieterich (M) | 1 | Vignir Jóhannesson (M) | ||||
4 | Aran Nganpanya | 4 | Andrew James Pew | ||||
7 | Björgvin Stefánsson | 5 | Matthew Whatley | ||||
10 | Zlatko Krickic | 6 | Einar Ottó Antonsson (F) | ||||
11 | Arnar Aðalgeirsson | 10 | Ingi Rafn Ingibergsson | ||||
13 | Andri Fannar Freysson | 17 | Ragnar Þór Gunnarsson | ||||
15 | Birgir Magnús Birgisson | 18 | Arnar Logi Sveinsson | ||||
17 | Gunnlaugur Fannar Guðmundsson | 20 | Sindri Pálmason | ||||
20 | Daníel Snorri Guðlaugsson | 21 | Brynjar Már Björnsson | ||||
22 | Aron Jóhannsson | 24 | Halldór Arnarsson | ||||
27 | Alexander Freyr Sindrason (F) | 27 | Denis Sytnik |