Aron og Alfreð fá hvíld

Aron Einar Gunnarsson og Alfreð Finnbogason eiga báðir við meiðsli að stríða en fram kom á blaðamannafundi hjá KSÍ í dag að landsliðsþjálfararnir reikna með því að þeir verði leikfærir gegn Hollandi í undankeppni EM á fimmtudag. 

Að sögn Heimis Hallgrímssonar fékk hann þær upplýsingar að Aron og Alfreð muni báðir fá hvíld um helgina þegar lið þeirra Cardiff og Olympiacos spila í sínum deildarkeppnum. 

Sjúkraþjálfarar liðanna hafa lýst þeirri skoðun sinni að leikmennirnir ættu að vera leikfærir næsta fimmtudag í Amsterdam. 

• 1 blogg um fréttina

Bloggað um fréttina

• Torfi Kristján Stefánsson: Ekki mikið um breytingar!