Venju samkvæmt horfði íslenska karlalandsliðið í knattspyrnu á kvikmynd saman í gærkvöld, kvöldið fyrir leikinn mikilvæga við Holland í Amsterdam í kvöld.
Að þessu sinni fékk íslenski hópurinn frumsýningu á mynd Baltasar Kormáks, Everest, um svipað leyti og myndin var sýnd sem opnunarmynd Kvikmyndahátíðarinnar í Feneyjum.
Landsliðið hefur áður horft á kvikmyndir á borð við Vonarstræti og Borgríki 2 kvöldið fyrir leik, með býsna góðum árangri því liðið er á toppi síns riðils með 15 stig eftir aðeins sex leiki.