Það styttist í stærstu stundina í sögu íslenska karlalandsliðsins í körfubolta en liðið hefur leik á EM í Berlín á laugardag þar sem það mætir heimamönnum. Strákarnir gáfu sér þó tíma í dag til að senda stuðningskveðju á landsliðið í fótbolta, sem mætir Hollandi í undankeppni EM í kvöld.
Hlynur Bæringsson, fyrirliði körfuboltalandsliðsins, mælti fyrir munn leikmanna þess og skilaboðin voru skýr: „Koma svo, áfram Ísland! Takið þetta í kvöld og svo sjáumst við í Frakklandi næsta sumar!“ Lokakeppni EM í fótbolta fer fram í Frakklandi næsta sumar.
Áfram Ísland! KKÍ sendir KSÍ og strákunum bestu kveðjur fyrir leikinn í kvöld, við fylgjumst með! pic.twitter.com/5SLdMFguqK
— KKÍ (@kkikarfa) September 3, 2015