Í leikjunum átta sem Ísland hefur leikið í undankeppni EM karla í knattspyrnu hefur Aron Einar Gunnarsson verið fyrirliði í þeim öllum.
Jón Daði Böðvarsson hefur byrjað sex leikjanna sem annar framherjanna, og tekið þátt í þeim öllum. Hvorugur þeirra mun spila gegn Lettum í næstsíðustu umferð undankeppninnar á Laugardalsvelli kl. 16 í dag.
Aron tekur út leikbann en Jón Daði á við meiðsli að stríða. Það staðfesti þjálfarinn Lars Lagerbäck á fréttamannafundi í gær, og kvaðst ekki reikna með að Selfyssingurinn gæti tekið nokkurn þátt í leiknum.
Sjá nánar forspjall um leikinn gegn Lettum í íþróttablað Morgunblaðsins í dag.