Fyrrverandi leikmaður Liverpool lék með KR gegn Breiðabliki í Bose mótinu í knattspyrnu karla í kvöld. Emmanuel Henry Gomis Mendy er 25 ára hægri bakvörður en fotbolti.net greindi frá þessu nú í kvöld.
Leikmaðurinn er frá Senegal en hann var í herbúðum Liverpool á árunum 2008 - 2012. Hann náði ekki að brjótast inn í aðallið Liverpool á þeim tíma og lék með varaliði félagsins.
Síðan hann yfirgaf Bítlaborgina árið 2012 hefur hann leikið með Dinamo Tbilisi frá Georgíu og Daugava Riga frá Lettlandi.