Rauð spjöld á KR og sigurmark í lokin
Setja bókamerki
Víkingar sigruðu KR, 3:2, á afar dramatískan hátt í Reykjavíkurmótinu í knattspyrnu í kvöld þegar liðin mættust í Egilshöllinni en Ívar Örn Jónsson skoraði þar sigurmarkið á fjórðu mínútu í uppbótartíma. Þá höfðu KR-ingar fengið tvö rauð spjöld í leiknum.
KR byrjaði betur og náði forystunni strax á 9. mínútu þegar Pálmi Rafn Pálmason skoraði, 1:0. Víkingar náðu að jafna á 41. mínútu þegar Ívar skoraði stórglæsilegt mark með miklum þrumfleyg af 30 metra færi og staðan var 1:1 í hálfleik.
Strax á fimmtu mínútu síðari hálfleiks fékk Gunnar Þór Gunnarsson, varnarmaður KR, rauða spjaldið fyrir að brjóta á Víkingi sem var sloppinn innfyrir vörnina.
Víkingar voru fljótir að nýta sér þetta því fimm mínútum síðar skoraði Stefán Þór Pálsson og kom þeim í 2:1.
Tíu KR-ingar fengu hinsvegar vítaspyrnu á 82. mínútu. Aron Bjarki Jósepsson skoraði úr henni, 2:2, og virtist hafa tryggt KR stig.
En á þriðju mínútu uppbótartímans braut Sindri Snær Jensson markvörður KR af sér og fékk rauða spjaldið. Vítaspyrna að auki - Hörður Fannar Björgvinsson kom í mark Vesturbæinga en réð ekki við spyrnu Ívars og Víkingar fögnuðu sigri.
Þetta var fyrsti leikur KR í mótinu en Víkingur hafði áður gert jafntefli við ÍR, 3:3.
„Það þarf að vinna mikinn fjölda upp“
Shakespeare fannst í skókassa
„Okkur miðar í rétta átt“
„Skýr skilaboð til Seðlabankans“
Verðbólgan komin niður í 6%
Eyjafjarðarbraut lokað vegna alvarlegs umferðarslyss