KR tryggði sér sigurinn með marki í uppbótartíma þegar liðið mætti Fylki í annarri umferð A riðils Reykjavíkurmótsins í meistaraflokki karla í knattspyrnu í Egilshöllinni í kvöld.
Það var Hólmbert Aron Friðjónsson sem skoraði sigurmark KR, 1:0, þegar þrjár mínútur voru komnar fram yfir venjulegan leiktíma.
KR nældi sér þar með í sín fyrstu stig í mótinu, en Fylkir hefur þrjú stig eftir jafn marga leiki.