„Það var stefnan að komast í landsliðshópinn á nýjan leik,“ sagði Málfríður Erna Sigurðardóttir, knattspyrnukona úr Breiðabliki og þriggja barna móðir, sem verður í eldlínunni þegar íslenska landsliðið í knattspyrnu kvenna mætir pólska landsliðinu í vináttulandsleik í Nieciecza í Póllandi á morgun.
Málfríður Erna var síðast í íslenska landsliðinu árið 2011 og hafði um nokkurt skeið dregið sig út úr sviðsljósi fótboltans vegna meiðsla og barneigna. Hún skaust fram á sjónarsviðið á síðasta ári og varð Íslandsmeistari með Breiðabliki og þótti leika afar vel.
„Ég þurfti sannarlega að hafa fyrir því að koma til baka inn á knattspyrnuvöllinn. Ég er hinsvegar heppin að eiga góða að. Móðir mín og maðurinn minn hafa verið dugleg að hjálpa mér við eitt og annað, m.a. að gæta barnanna meðan ég fór á æfingar og eins hafa þau hvatt mig áfram,“ segir Málfríður Erna.
Sjá viðtal við Málfríði Ernu í heild í íþróttablaði Morgunblaðsins í dag.