KR vann glæsilegan 4:3 sigur á Selfossi í kvöld í Frostaskjólinu í Pepsi-deild kvenna í knattspyrnu og tryggði liðið þar með sér sinn fyrsta sigur í sumar.
Heimakonur í KR komu til baka úr stöðunni 1:3 og skoruðu þrjú mörk á síðustu 11 mínútum leiksins.
Lauren Elizabeth Hughes skoraði fyrstu tvö mörk Selfyssinga, fyrst á 9. mínútu og því næst þeirri 55. en mínútu áður hafði Ásdís Karen Halldórsdóttir jafnað metin fyrir KR, 2:1.
Anna María Friðgeirsdóttir bætti svo við þriðja marki Selfyssinga á 63. mínútu, breytti stöðunni í 3:1, en KR-stúlkur áttu heldur betur eftir að láta til sín taka.
Á 79. mínútu minnkaði Sigríður María Sigurðardóttir metin í 3:2 og á 85. mínútu jafnaði Ásdís Karen metin með sínu öðru marki í leiknum, 3:3. Þá virtist hausinn á Selfyssingum vera farinn þar sem Fernanda Vieira Baptista skoraði sigurmarkið aðeins mínútu síðar, 4:3, og urðu það lokatölur.
Með sigrinum fara KR-stúlkur í 5 stig og upp í 8. sætið en Selfoss hefur nú tapað þremur af síðustu fjórum leikjum, og hefur sex stigí 6. sætinu.
90. Leik lokið! KR sigrar 4:3! Magnaður viðsnúningur hjá liðinu!
86. MARK! Fernanda Vieira Baptista skorar fjórða mark KR! Er hún að tryggja liðinu fyrsta sigurinn í sumar?
85. MARK!! KR jafnar metin! Staðan er 3:3. Ásdís Karen með sitt annað mark! Þvílíkur leikur!
79. MARK! KR-ingar hafa ekki sagt sitt síðasta, Sigríður María Sigurðardóttir minnkar muninn fyrir heimastúlkur í Vesturbæ. Staðan 3:2.
63. MARK! Anna María Friðgeirsdóttir skorar þriðja mark Selfyssinga! Staðan 3:1.
55. MARK! Aðeins mínútu síðar skorar Lauren Elizabeth Hughes sitt annað mark í leiknum og kemur Selfyssingum á ný yfir, 2:1!
54. MARK! KR jafnar metin, og var þar Ásdís Karen Halldórsdóttir að verki. Staðan orðin 1:1.
45. Kominn hálfleikur.
9. MARK! Lauren Elizabeth Hughes kemur Selfossi yfir með sínu fimmta marki á tímabilinu! Staðan er 1:0.
1. Leikurinn er hafinn.
0. Byrjunarliðin eru klár:
KR | Selfoss | ||||||
BYRJUNARLIÐ | |||||||
---|---|---|---|---|---|---|---|
29 | Ingibjörg Valgeirsdóttir (M) | 12 | Chante Sherese Sandiford (M) | ||||
5 | Sigrún Inga Ólafsdóttir (F) | 1 | Lauren Elizabeth Hughes | ||||
6 | Fernanda Vieira Baptista | 5 | Bergrós Ásgeirsdóttir | ||||
8 | Sara Lissy Chontosh | 6 | Hrafnhildur Hauksdóttir (F) | ||||
9 | Sofía Elsie Guðmundsdóttir | 7 | Anna María Friðgeirsdóttir | ||||
11 | Sigríður María S Sigurðardóttir | 11 | Heiðdís Sigurjónsdóttir | ||||
12 | Gabrielle Stephanie Lira | 13 | Brynja Valgeirsdóttir | ||||
21 | Mist Þormóðsdóttir Grönvold | 14 | Karitas Tómasdóttir | ||||
22 | Ásdís Karen Halldórsdóttir | 17 | Sunneva Hrönn Sigurvinsdóttir | ||||
25 | Hugrún Lilja Ólafsdóttir | 18 | Magdalena Anna Reimus | ||||
27 | Anna Birna Þorvarðardóttir | 19 | Eva Lind Elíasdóttir | ||||
VARAMENN | |||||||
1 | Hrafnhildur Agnarsdóttir (M) | 30 | Friðný Fjóla Jónsdóttir (M) | ||||
7 | Elísabet Guðmundsdóttir | 8 | Íris Sverrisdóttir | ||||
13 | Bjargey Sigurborg Ólafsson | 9 | Katrín Ýr Friðgeirsdóttir | ||||
17 | Jóhanna K Sigurþórsdóttir | 10 | Guðmunda Brynja Óladóttir | ||||
23 | Guðrún María Johnson | 15 | Karen Inga Bergsdóttir | ||||
26 | Dagmar Mýrdal Gunnarsdóttir | 16 | Alyssa Telang | ||||
28 | Íris Sævarsdóttir | 22 | Erna Guðjónsdóttir |