Varnarmaðurinn Aron Bjarki Jósepsson skrifaði í dag undir nýjan þriggja ára samning við úrvalsdeildarfélagið KR í knattspyrnu.
Samningur Arons rann út á dögunum en hann staðfesti fréttirnar sjálfur á Twitter í dag. Aron er 26 ára gamall og er uppalinn hjá Völsungi frá Húsavík en Aron hefur leikið með KR frá árinu 2011.
Aron lék 15 leiki fyrir KR á tímabilinu og öðlaðist endurnýjun lífdaga í liði KR eftir að Willum Þór Þórsson tók við liðinu en KR náði eins og frægt er orðið Evrópusæti eftir hreint út sagt magnaðan endasprett í deildinni.
3 ár áfram í @KRreykjavik ✅ Er spenntur fyrir komandi tímum í Vesturbænum og er mjög stoltur af því að vera áfram leikmaður KR #allirsemeinn pic.twitter.com/sUL9zrteAI
— Aron Josepsson (@AronBjarki) October 19, 2016