Freyr Alexandersson, landsliðsþjálfari íslenska kvennalandsliðsins í knattspyrnu, hefur opinberað byrjunarlið Íslands fyrir leikinn á morgun gegn Kína í fyrsta leik á fjögurra þjóða móti, Sincere Cup, sem fram fer í Chongqing-héraði í Kína.
Leikið er á Yongchuan Sport Center leikvanginum sem tekur um 25 þúsund manns í sæti en mótshaldarar gera ráð fyrir að um 20 þúsund manns mæti á leik Íslands og Kína. Leikurinn hefst um klukkan 11.30 að íslenskum tíma á morgun, fimmtudag.
Lið Íslands verður þannig skipað í leikkerfinu 3-5-2.
Mark: Guðbjörg Gunnarsdóttir
Vörn: Glódís Perla Viggósdóttir - Sif Atladóttir - Anna Björk Kristjánsdóttir.
Miðja: Hallbera Guðný Gísladóttir - Dagný Brynjarsdóttir - Sara Björk Gunnarsdóttir (F) - Gunnhildur Yrsa Jónsdóttir - Dóra María Lárusdóttir.
Sókn: Fanndís Friðriksdóttir - Berglind Björg Þorvaldsdóttir.