Knattspyrnumaðurinn Hafþór Þrastarson hefur gengið til liðs við Selfoss og mun hann spila með liðinu í Inkasso-deildinni í sumar.
Hafþór lék með Fram síðasta sumar og á hann einnig leiki með Fjarðabyggð, Haukum, FH og KA. Hafþór kann greinilega vel við sig á Selfossi, þar sem hann lék sex leiki árið 2012 er hann var í láni frá FH.
„Hafþór er gríðarlega hraður og agressívur leikmaður en einnig sterkur leiðtogi sem kemur til með að styrkja hópinn innan sem utan vallar," segir á heimasíðu Selfyssinga.