Daninn Jeppe Hansen skoraði þrennu í 5:0 sigri Keflavíkur á Gróttu í 1. umferð Lengjubikarsins í knattspyrnu í Reykjaneshöllinni í kvöld.
Hansen skoraði þrjú fyrstu mörk leiksins, áður en Anton Freyr Hauksson og Frans Elvarsson bættu við á síðasta korterinu.
Hansen kom til Keflavíkur frá KR eftir síðasta sumar, eftir að hafa leikið með Stjörnunni við góðan orðstír.