Þór sigraði HK, 2:1, í fyrstu umferð Lengjubikars karla í knattspyrnu en liðin mættust í Boganum á Akureyri í gærkvöld.
Jóhann Helgi Hannesson kom Þór yfir snemma leiks en Ágúst Freyr Hallsson jafnaði fyrir HK í byrjun síðari hálfleiks. Ármann Pétur Ævarsson skoraði sigurmark Þórsara úr vítaspyrnu rétt fyrir leikslok.
Liðin eru í 3. riðli A-deildar en þar vann Valur sigur á ÍR, 5:2, á föstudagskvöldið og ÍA vann Víking frá Ólafsvík, 3:2, í gær.