Dagný Brynjarsdóttir, landsliðskona í knattspyrnu, fer með íslenska kvennalandsliðinu til Portúgal í dag þar sem liðið tekur þátt í Algarve-bikarnum. Ekki mátti þó miklu muna að hún færi ekki.
Gríðarlegt fannfergi er á Suðvesturlandi og allar leiðir til og frá Reykjavík ófærar fyrir utan Reykjanesbrautina. Dagný er frá Selfossi og var þar stödd, en stökk af stað yfir Hellisheiðina í gærkvöldi áður en hún lokaðist.
Fyrsti leikur Íslands í Algarve-bikarnum er gegn Noregi á miðvikudag.
Skyndibrottför til Rvk til að ná yfir Heiðina. Enn eitt óveðrið. Mikið hlakka èg til að komast í sólina á morgun!😎☀️🙏🏼✈️ #AlgarveCup
— Dagný Brynjarsdóttir (@dagnybrynjars) February 26, 2017