Blikar fóru illa með Þrótt

Martin Lund Pedersen skoraði tvö fyrir Blika í kvöld.
Martin Lund Pedersen skoraði tvö fyrir Blika í kvöld. mbl.is/Eggert Jóhannesson

Breiðablik átti ekki í neinum vandræðum með Þrótt þegar liðin mættust í Lengjubikar karla í knattspyrnu í kvöld. Bikar fóru með 4:0 sigur af hólmi og eru enn ósigraðir.

Leikið var í Egilshöllinni og voru Blikar 2:0 yfir í hálfleik. Willum Þór Willumsson kom þeim yfir áður en Höskuldur Gunnlaugsson bætti við marki. Eftir hlé var það svo Martin Lund Pedersen sem bætti við tveimur mörkum. Lokatölur 4:0.

Blikar eru í toppsæti riðilsins með 5 stig eftir þrjá leiki, en Þróttur er með 3 stig.

Markaskorarar fengnir af urslit.net.

mbl.is