„Þetta er hörkugott lið sem við erum að fara að mæta,“ sagði miðvörðurinn Sverrir Ingi Ingason þegar mbl.is ræddi við hann um leikinn sem fram undan er gegn Kósóvó í undankeppni HM 2018 á föstudagskvöldið. 

„Þetta verður bara hörkuleikur. Við höfum fengið ítarlega kynningu á liði Kósóvó og þessir leikmenn spila fyrir góð félagslið,“ sagði Sverrir en að hans mati er ekki óeðlilegt að knattspyrnuáhugamenn álíti Ísland sigurstranglegra liðið þar sem Ísland er með 7 stig í riðlinum en Kósóvó 1 stig. 

„Auðvitað þykjum við sigurstranglegri. Bæði erum við ofar í riðlinum en einnig út af því hvernig við höfum staðið okkur undanfarin ár. Þegar dregið var í riðlana þá virtust leikirnir við Kósóvó vera leikir þar sem gerð væri krafa um að við myndum vinna. Þeir hafa hins vegar sýnt það í leikjunum hingað til að Kósóvar eru sýnd veiði en ekki gefin. Þeir hafa verið í hörkuleikjum nema á móti Króatíu. Voru til dæmis vel inni í leiknum í Tyrklandi og tóku stig í Finnlandi. Þetta verður verðugt verkefni og við förum að sjálfsögðu með því hugarfari í þennan leik að vinna. En á sama tíma vitum við að þetta er ekki auðvelt verkefni og við þurfum á toppleik að halda til að klára dæmið,“ sagði Sverrir í samtali við mbl.is. 

Sverrir ásamt félögum sínum á æfingu í morgun. mbl.is/Kris

Tengdar fréttir

Kósóvó - Ísland

Allir vita til hvers er ætlast

• „Hópurinn er að stækka“
• „Við gerðum gríðarlega vel“
• „Hef saknað þess að vera í landsliðinu“
• „Aldrei undirbúið mig jafn vel fyrir leik“

» Fleiri tengdar fréttir

• Blogga um frétt