„Þetta var ekki fallegasti leikurinn okkar en ég er stoltur af strákunum að hafa klárað þetta,“ sagði landsliðsþjálfarinn Heimir Hallgrímsson við RÚV strax eftir 2:1-sigur Íslands á Kósóvó í Albaníu í kvöld.

Frétt af mbl.is

Gullfótur Gylfa dýrmætur

Heimir segir að það hafi ekki komið sér neitt á óvart að lið Kósóvó hafi staðið uppi í hárinu á íslenska liðinu.

„Það vissum við sem höfum fylgst með þessu liði, hversu gott það er, og við vissum að það yrði erfitt að koma hingað. Við vorum á erfiðum útivelli og náðum í þrjú stig og það skiptir máli,“ sagði Heimir, sem segir uppleggið þó ekki hafa tekist sem skildi.

„Við ætluðum að vera framar og pressa á þá, en það tókst ekki þar sem þeir byrjuðu á að pressa á okkur. Planið sem við lögðum upp með gekk ekki. En það eru stigin þrjú sem skipta öllu máli,“ sagði Heimir.

Króatía vann Úkraínu svo Ísland komst upp í annað sæti riðils­ins. Króatía er á toppn­um og kem­ur í heim­sókn í Laug­ar­dal­inn í júní.

„Við erum búnir að búa til geggjaðan leik í Laugardalnum 11. júní. Við getum komist upp í efsta sætið og það er það sem við erum að berjast um. Þetta eru ofboðslega mikilvæg stig sem við náðum í hér í Albaníu,“ sagði Heimir Hallgrímsson við RÚV.

Tengdar fréttir

Kósóvó - Ísland

Allir vita til hvers er ætlast

• „Hópurinn er að stækka“
• „Við gerðum gríðarlega vel“
• „Hef saknað þess að vera í landsliðinu“
• „Aldrei undirbúið mig jafn vel fyrir leik“

» Fleiri tengdar fréttir

• Blogga um frétt