KR er komið í úrslitaleik Lengjubikars karla í knattspyrnu eftir 2:1 sigur á FH í Vesturbænum í dag. KR mætir KA eða Grindavík í úrslitaleiknum, en þau mætast kl. 17:15 í dag.
Óskar Örn Hauksson kom KR yfir í fyrri hálfleik. Hann tók þá skot sem Gunnar Nielsen varði, en Óskar var fyrstur til að átta sig og setti hann frákastið í markið. Skömmu síðar skoraði Kristján Flóki Finnbogason mark með virkilega góðu skoti og var staðan þá 1:1 sem hún var í leikhléi.
Svo fór að KR skoraði eina markið í seinni hálfleik, það gerði Tobias Thomsen og er KR því, eins og áður segir komið í úrslitaleikinn.