Úrslitaleikir færðir vegna veðurspár

Óskar Örn Hauksson og félagar í KR lögðu FH í …
Óskar Örn Hauksson og félagar í KR lögðu FH í undanúrslitum og mæta Grindavík í úrslitaleiknum á morgun. mbl.is/Árni Sæberg

Vegna slæmrar veðurspár á höfuðborgarsvæðinu á morgun, mánudag, hafa úrslitaleikir karla og kvenna í Lengjubikarnum verið færðir af Valsvellinum og yfir í Egilshöllina.

Eins hefur tímasetningunum verið breytt og karlaleikur Grindavíkur og KR fer fram á undan, eða kl. 14.00, en hann átti að vera kl. 19.15 um kvöldið.

Úrslitaleik Vals og Breiðablik í kvennaflokki hefur verið seinkað frá 16.00 til 16.30 en leikirnir verða semsagt hvor á eftir öðrum í Egilshöllinni á morgun.

mbl.is
Fleira áhugavert
Fleira áhugavert