Stjörnumenn eru í æfingaferð á Spáni áður en Íslandsmótið í knattspyrnu hefst, 30. apríl. Guðjón Baldvinsson sóknarmaður liðsins birti skemmtilegt myndskeið á Twitter, þar sem hann hræðir samherja sinn.
Miðjumaðurinn Eyjólfur Héðinsson sat í mestu makindum og reyndi að ná í lit. Guðjón var staddur á svölum fyrir ofan Eyjólf og sveiflaði gervi-könguló rétt við andlit Eyjólfs.
Eyjólfur hrekkur við þegar hann opnar augun og sér það sem hann heldur að sé alvöru könguló rétt við andlitið á sér.
Myndskeið af atvikinu má sjá hér að neðan:
Gjörið svo vel @gydingurinn pic.twitter.com/0fTn74KG6P
— Guðjón Baldvinsson (@Gauib) April 18, 2017