Íþróttir | Íslenski fótboltinn | mbl | 23.6.2017 | 15:35 | Uppfært 22:52

Stjarnan mætir Klaksvík í Króatíu

Guðmunda Brynja Óladóttir og stöllur hennar í Stjörnunni fara til Króatíu. mbl.is/Golli

Stjarnan mætir Osijek frá Króatíu, KÍ Klaksvík frá Færeyjum og SC Istatov frá Makedóníu í undankeppni Meistaradeildar Evrópu í knattspyrnu kvenna en dregið var í riðla í Sviss í dag.

Leikið verður 22.-28. ágúst og fer riðill Stjörnunnar fram í Króatíu. Samtals eru tíu riðlar og fara efstu lið hvers riðils í 32-liða úrslit keppninnar. Það lið sem nær bestum árangri í 2. sæti fer einnig áfram.

Riðlaskiptinguna í forkeppninni í heild sinni má sjá hér.

Þessi lið fara beint í 32ja liða úrslitin:

Lyon (Frakklandi, Evrópumeistari)
Wolfsburg (Þýskalandi)
Rosengård (Svíþjóð)
Barcelona (Spáni)
Fortuna Hjørring (Danmörku)
Bayern München (Þýskalandi)
Brøndby (Danmörku)
Rossijanka (Rússlandi)
Manchester City (Englandi)
Glasgow City (Skotlandi)
Zvezda-2005 (Rússlandi)
Brescia (Ítalíu)
Slavia Prag (Tékklandi)
Sparta Prag (Tékklandi)
Linköping (Svíþjóð)
Chelsea (Englandi)
Montpellier (Frakklandi)
Lilleström (Noregi)
St. Pölten (Austurríki)
Atlético Madrid (Spáni)
Fiorentina (Ítalíu)