Argentínska sjónvarpsstöðin TYC sports mætti til Vestmannaeyja á mánudaginn var og hitti Heimi Hallgrímsson, landsliðsþjálfara í fótbolta. Argentína og Ísland eru saman í riðli á HM í Rússlandi í sumar.
Í síðustu viku fór sama sjónvarpsstöð til Barcelona og spjallaði við Lionel Messi, það er því skammt stórra högga á milli hjá TYC.
Samkvæmt frétt Eyjafrétta mætti Heimir sjálfur upp á flugvöll til að sækja sjónvarpsmennina og bauð þeim heim til sín til að taka viðtalið.