Framherjinn Ryan Babel verður ekki með hollenska landsliðinu á Evrópumeistaramótinu í Sviss og Austurríki vegna meiðsla. Babel, sem leikur með enska úrvalsdeildarliðinu Liverpool meiddist á ökkla á æfingu liðsins í gær og eru meiðslin það´alvarleg að hann verður ekki búinn að ná sér áður en keppni hefst þann 7. júní.
Talsmenn hollenska landsliðsins sögðu í dag að líklega væru liðbönd rifin eða slitin í ökkla Babel en ekki er búið að ákveða hvaða leikmaður verður kallaður inn í liðið í hans stað. Hollendingar eru í C-riðli með Frakklandi, Ítalíu og Rúmeníu.