Hickersberger hættur með Austurríki

Josef Hickersberger fékk eitt stig með liði Austurríkis á EM. Reuters

Josef Hickersberger, landsliðsþjálfari Austurríkis í knattspyrnu, sagði starfi sínu lausu í gær. Lið Austurríkis fékk eitt stig í Evrópukeppninni á sínum heimavelli, sem var reyndar betri árangur en flestir höfðu spáð því.

Hickersberger átti að stýra liðinu til næstu áramóta en Austurríki vann aðeins fimm af 27 leikjum sínum undir hans stjórn.