Allir stóðust lyfjapróf á EM

Iker Casillas lyftir Evrópubikarnum á loft. Enginn leikmaður á Evrópumótinu féll á lyfjaprófi. Reuters

Evrópska knattspyrnusambandið, UEFA gaf út í dag að niðurstöður úr öllum lyfjaprófum á EM hefði reynst neikvæðar. Alls voru 286 próf gerð á leikmönnum sem þurftu að skila bæði þvagprufum og blóðprufum eftir leik.

Tveir leikmenn úr hverju liði voru handahófskennt  valdir eftir hvern leik í lyfjapróf. Enginn reyndist hafa neitt ólöglegt í sínum líkama. UEFA segir þessa niðurstöðu mikið gleðiefni.