Domenech áfram með Frakka

Raymond Domenech mun stýra franska knattspyrnulandsliðinu áfram. Reuters

Franska knattspyrnusambandið hefur gefið frá sér tilkynningu um að Raymond Domenech muni halda áfram sem knattspyrnustjóri Frakklands þrátt fyrir lélegt gengi á Evrópumótinu í sumar.

„Nýr samningur hefur verið gerður við hann. Sá gildir til ársins 2010. Allt hefur verið endurskoðað og Domenech mun vinna eftir því,“ sagði Jean-Pierre Escalettes hjá franska knattspyrnusambandinu.