Frumraunin betri en kynlíf

Heiðar Helguson sækir að Anders Lindegaard markverði Dana. mbl.is/Gísli Baldur

Anders Lindegaard þreytti frumraun sína í danska landsliðsmarkinu gegn Íslendingum á Parken í gærkvöldi og fór ekki leynt með ánægju sína í leikslok eftir að Danir sigruðu 1:0 með marki á síðustu stundu.

„Ég hélt hreinu og 1:0 sigur í Parken. Það er í sjálfu sér betra en fullnæging," sagði Lindegaard í viðtali við fréttakonu dönsku sjónvarpsstöðvarinnar TV2 og brosti út að eyrum.

„Ég er afar ánægður með hvernig móttökur ég fékk og með stuðninginn," bætti hann við, að sögn Berlingske Tidende.