EM: Guðjón Valur í úrvalsliði mótsins
Guðjón Valur Sigurðsson er í úrvalsliði EM í handknattleik í Serbíu. Ljósmynd/Hilmar Þór Guðmundsson
Guðjón Valur Sigurðsson hefur verið valinn í úrvalslið Evrópumeistaramótsins í handknattleik í Serbíu. Hann var valinn í úrvalsliðið í stöðu vinstri hornamanns en Guðjón Valur er á meðal markahæstu leikmanna mótsins með 41 mark í sex leikjum.
Tilkynnt var um valið rétt áðan en besti maður mótsins hefur einnig verið valinn og er það Serbinn Momir Ilic.
Úrvalslið mótsins er skipað eftirtöldum leikmönnum:
Markvörður: Darko Stanic, Serbíu
Vinstra horn: Guðjón Valur Sigurðsson, Íslandi
Vinstri skytta: Mikkel Hansen, Danmörku
Leikstjórnandi: Uros Zorman, Slóveníu
Línumaður: Rene Toft Hansen, Danmörku
Hægri skytta: Marko Kopjar, Króatíu
Hægra horn: Christian Sprenger, Þýskalandi
Markahæstur: Kiril Lazarov, Makedóníu, 61 mark.
Besti varnarmaðurinn: Virtan Morros, Spáni
Besti leikmaðurinn: Momir Ilic, Serbíu
