Fleiri Svíar fylgdust með íslenska landsliðinu á Evrópumótinu í knattspyrnu heldur en því sænska.
2,6 milljónir Svía fylgdust með fyrri hálfleiknum í leik Frakka og Íslendinga í 8-liða úrslitunum en 2,3 milljónir manna sáu síðari hálfleikinn í viðureign Svía og Ítala í riðlakeppninni.
„Svíar tóku ástfóstri við Íslendingana og sérstaklega eftir að Svíar duttu út úr keppninni,“ segir talsmaður sænska sjónvarpsins við sænska fjölmiðla.