Freyr Alexandersson, landsliðsþjálfari í knattspyrnu, hefur tilkynnt byrjunarlið Íslands sem mætir Sviss kl. 16 í öðrum leik sínum á Evrópumótinu í Hollandi.
Ein breyting er á byrjunarliðinu sem mætti Frakklandi og mátti sætta sig við grátlegt 1:0-tap í fyrsta leiknum á EM á þriðjudaginn. Katrín Ásbjörnsdóttir kemur inn í stað Öglu Maríu Albertsdóttur.
Leikurinn í dag fer fram á „Tjarnarhæð“ í Doetinchem, á heimavelli knattspyrnuliðsins De Graafschap.
Byrjunarlið Íslands: (3-4-3) Mark: Guðbjörg Gunnarsdóttir. Vörn: Glódís Perla Viggósdóttir, Sif Atladóttir, Ingibjörg Sigurðardóttir. Miðja: Gunnhildur Yrsa Jónsdóttir, Sigríður Lára Garðarsdóttir, Sara Björk Gunnarsdóttir, Hallbera Guðný Gísladóttir. Sókn: Katrín Ásbjörnsdóttir, Dagný Brynjarsdóttir, Fanndís Friðriksdóttir.