Ásgeirs bíða fyrirspurnir í Danmörku

Ásgeir Örn Hallgrímsson og Ólafur Stefánsson. mbl.is/Kristinn

Ásgeir Örn Hallgrímsson, landsliðsmaður í handknattleik, segist vonast eftir því að finna sér nýjan vinnuveitanda í lok vikunnar en sá síðasti, GOG í Danmörku, var úrskurðaður gjaldþrota á dögunum. Ásgeir hafði ekki rætt við umboðsmenn sína þegar Morgunblaðið ræddi við hann í gær en sagðist þó vita til þess að fyrirspurnir hefðu borist frá nokkrum félögum.

Umboðsmenn Ásgeirs eru fyrrverandi landsliðsmenn Dana, þeir Claus Flensborg og Søren Stryger, sem báðir eru þeir örvhentir eins og Ásgeir. Þeir ættu því að hafa skilning á hans þörfum enda báðir þrautreyndir atvinnumenn.

Nánar er farið yfir samningsstöðuna hjá nokkrum leikmönnum íslenska landsliðsis í Morgunblaðinu í dag.